ବାହାଘର ହେଲା ବୋହୁବି ଆସିଲା
ଯୌତୁକ ଆଣିଥିଲା
ହେଲେ ବୋହୁଥିଲା ସହରୀ ସତେଲୋ
ଶାଶୁ କଣଠେସା ହେଲା
ଚାରି ଦିନ ବୋହୂ ଡେଇଁ ଡେଇଁ ଚାଲେ
ପିନ୍ଧି ଚାରିଇଞ୍ ହିଲ୍
ଘର ଖାଇବା ତା ନୁହେଁ ଲୋ ପସନ୍ଦ
ଅନଲାଇନ୍ ରେ କରେ ବିଲ୍
ଶୋଇ ରହୁଛି ସେ ଆଠଟା ଯାଏଁ ଲୋ
ନ ଡାକିଲେ ଉଠେନାହିଁ
ପୁଅ ପୋଡାମୁହାଁ କି ଭଲ ପାଇଲା
ହୀନସ୍ଥା ଯେ ହେଲି ମୁଁଇ
ମୋବାଇଲ ରେ ମୁହଁ ମାଡିକି ବସୁଛି
ସତେ ଅବା ଠାକୁରାଣୀ
କି ଟିକଟକ ଯାତରା କରୁଛି
ସଂସ୍କାର ସେ ଭୁଲିଲାଣି
ସମ୍ମାନ ଦଉନି ସେବା ବି କରୁନି
ରହୁନାହିଁ ଘରେ ଯମା
ଶାଢୀ ଦେଖିଦେଲେ ଛିଟିକି ଯାଉଛି
ପିନ୍ଧେ ଫଟାଚିରା ଯାମା
କଜଳ କୁଙ୍କୁମ ଭୁଲି ସେ ଯାଇଛି
ଅଳତା ବି ଜଣାନାହିଁ
ବିୟୁଟି ପାର୍ଲୋର ଯାଏ ସେତ ଖାଲି
ରଙ୍ଗ ଲୁଚାଇବା ପାଇଁ
ବୁଝାଇବ କିଏ ତାକୁ ଯେ ସତରେ
ନାକ ସୁକୁ ସୁକୁ ରାଣୀ
ଆମ ବେଳେ ବୋହୂ ସହୁଥିଲେ ସବୁ
ଖାଲି ପେଟେ ପିଇ ପାଣି
ଓଷାବାର କିଛି କରେନାହିଁ ସିଏ
ପୁରୁଣା ଫ୍ୟାସନ୍ କୁହେ
ପୁଅ ମୋ ନିଲଠା କେଜାଣି କେମିତି
ତା ରାଉ ରାଉ ସହେ
ପାଠ ସିନା ପଢି ଶିକ୍ଷିତ ବୋଲାଏ
ବୁଦ୍ଧି ଘର ତାର ଶୂନ
ଯେମିତି ସେମିତି ହଉ ପଛେ ମୋର
କଟିଯାଉ ଏ ଜୀବନ
No comments:
Post a Comment