ଏକା ଏକା ଆଜି ଲାଗୁଛି କାହିଁକି
ତୁ ଯିବା ପରେ ପରେ
ରହିଥିଲୁ କାଲି ଆଜି ବି ରହିଛୁ
ଛୋଟ ମୋର ହୃଦୟରେ
ଅଚିହ୍ନା ଅଚିହ୍ନା ଲାଗୁଛି ଦୁନିଆ
ମନେ ମନେ ତୋତେ ଖୋଜେ
ନ ଖୋଜି ପାରିଲେ ଫେରି ପୁଣି ଆସେ
ଆମ ସ୍ମୃତିରେ ମୁଁ ହଜେ
ମନେ ଅଛି ମୋର କହିଥିଲୁ ଦିନେ
ରହିବୁ ତୁ ଆଜିବନ
ହେଲେ ପ୍ରତିଶ୍ରୂତି ମିଛ ହେଲା ତୋର
ପ୍ରେମ ତୋ ସାତ ସପନ
ଚୁପି ଚୁପି କାନେ କେତେ କଥା କହି
ଭାଙ୍ଗୁଥିଲୁ ନୀରବତା
ଆଜି ସେ ଅତୀତ ମନେପଡେ ଯେବେ
ମନରେ ଆଣୁଛି ବ୍ୟଥା
ମୋ ଦୁନିଆରେ ତୋଠାରୁ ଦୂରରେ
ବହୁତ ଖୁସିରେ ଥିଲି
ଦେଖା ହେଲା କାହିଁ ତୋ ସାଥିରେ ମୋର
ହସ ମୋର ଭୁଲିଗଲି
ଚାଲୁ ଚାଲୁ ବାଟ ଝୁଣ୍ଟି ମୁଁ ପଡିଲି
ଆଗକୁ ତୁ ଚାଲିଗଲୁ
ମୋ ସ୍ବପ୍ନ ରାଇଜେ ଥିଲୁ ତୁ ଯେ ରାଣୀ
ସ୍ବପ୍ନ ମୋର ଭାଙ୍ଗିଦେଲୁ
ଦେଖା ଯଦି ହୁଏ ଦୁନିଆ ଭିଡରେ
ମାଗିନେବି ମୋର ପ୍ରେମ
ଟାଣିଦେବି ଆମ ଅତୀତ ସ୍ମୃତି ରେ
ପୂର୍ଣ୍ଣଛେଦ ଦେବି ନାମ
No comments:
Post a Comment