ହୃଦୟର ସୀମା ଡେଇଁ
ରହିଗଲା ସିଏ କରି ଛୋଟ ଘର
ପ୍ରେମ ପୁଷ୍ପ ଚହଟାଇ
ଆନନ୍ଦରେ ମନ ହୁଏ କୁଣ୍ଢେମୋଟ
ସବୁ କଳ୍ପନାର ହୋଇ ଗଲା ଅନ୍ତ
ତାର ପ୍ରେମ ସ୍ପର୍ଶ ପାଇ
ହସେ ଏଇ ଧରା ଦେଖି ଆଗମନ
ନାଚି ଉଠେ କିଆଁ ବନଉପବନ
ସତ ଲାଗେ ସ୍ବପ୍ନ କାହିଁ
ନେଇ ଆସିଛି ସେ ଅନେକ ଭାବନା
ନୂଆ ଦୁନିଆର ନୂଆ ସମ୍ଭାବନା
ଅସରନ୍ତି ଆଶା ନେଇ
ଅଦିନେ ଆସିଲା ଅଜଣା ଅତିଥି
ମୋ ଜୀବନ ବାଟେ ହୋଇ ଗଲା ସାଥି
ଛାଡିବାକୁ ଇଛା ନାହିଁ
ଅସମ୍ଭବ ଆଜି ଲାଗୁଛି ସମ୍ଭବ
ବାକି ସବୁ କଥା ଲାଗେ ଯେ ଗୁଜବ
ନାହିଁ ତାର ସରି କେହି
No comments:
Post a Comment