ପାଖରେ ମୋ ଯାଏ ବସି
ତା ଅସଜଡା କେଶ ପଖାଳେ ସେ ଧିରେ
ମୁରୁକି ମୁରୁକି ହସି
ଗୁଣୁ ଗୁଣୁ ହୋଇ ଗାଉ ଥାଏ ଗୀତ
କୋଇଲି ଠୁ ସୁର ନେଇ
ଲକ୍ଷେ ପ୍ରତିଶ୍ରୁତି ଭରିଦିଏ ମନେ
ଜୋଛନା ର ରାଣ ଦେଇ
ପ୍ରେମ ର ପ୍ରତିକ ପ୍ରିୟତମା ମୋର
ପୂର୍ଣମୀର ଜହ୍ନ ରାତି
ତା ସହିତ ଯୋଡା ଅନେକ ଭାବନା
ଅସରନ୍ତି ଅନୁଭୂତି
ଭାଙ୍ଗେ ଯେବେ ସିଏ ଅଳସ ଦେହରେ
ସାଗର ର ଢେଉ ପରି
ମନେ ଖେଳିଯାଏ ଶିହରଣ ସତେ
ସାତ ଜନ୍ମ ଯିବ ସରି
ହୃଦୟ ରେ ଲେଖେ ଅକୁହା କାହାଣୀ
ଅଦିନରେ ଆସେ ବର୍ଷା
ଯୋଡି ହୋଇଯାଏ ଅଦୃଶ୍ୟ ବନ୍ଧନ
ଥିଲା କି ଆଗରୁ ଲେଖା
ହୋଇଲେ ସକାଳ ଭାଙ୍ଗିଦିଏ ନିଦ
ସତେ କି କାଉଁରୀ କନିଆଁ
କାଲି ଫେରିବା ର ରାଣ ଦେଇ ସେ ଯେ
ଫେରିଯାଏ ତା ଦୂନିଆ
No comments:
Post a Comment