ସମୟ

ଦେଖିଛ କି ତାକୁ କିଏ କୁଆଡେ ସେ ଗଲା

ଏବେ ଏବେ ପାଖେ ଥିଲା କେବେ ହଜିଗଲା

ଫେରିବନି କେବେ ସିଏ ଥରେ ଚାଲିଗଲେ

କି ଲାଭ ହୋଇବ ଯେତେ ପଶ୍ଚାତାପ କଲେ

ପ୍ରତିକ୍ଷଣେ ଦେଇଥାଏ ଅଫେରା ଅତୀତ

ସ୍ମୃତି ହୋଇ ଯୋଡିହୁଏ ଜୀବନ ସହିତ

ପାଖେ ଯେତେବେଳେ ଥାଏ କେହି ଧ୍ୟାନ ଦିଏ ନାହିଁ

ଥରେ ଖସିଗଲେ ହାତୁ ବସି ଭାବୁ ଥାଇ

କିଏ କେବେ ହୁଏ ଖୁସି ଆଉ କିଏ ଦୁଖୀ 

ସମସ୍ତ ଙ୍କ ପାଇଁ ସେଇ ଏକା ମୂକ ସାକ୍ଷୀ 

ଭଲ ଥିଲେ ସମୟ ଯେ ସଭିଏଁ ନିଜର 

ଖରାପ ହୋଇଲେ ହେବେ ସବୁ ସାତ ପର 

କରି ଜାଣେ ଯିଏ ସଦା ତାର ଉପଯୋଗ

ସବୁକାର୍ଯ୍ୟେ ସିଦ୍ଧ ହେବା ତା ପାଖେ ସମ୍ଭବ 

ବେଳ ଥାଉ ଥାଉ ଯିଏ ହୁଏ ସାବଧାନ 

ସବୁ ସମସ୍ୟା ତା ଜୀବନେ ହୁଏ ସମାଧାନ